胡楓妻逝世 “你放心咁去啦 如果唔係會好痛”

愛妻逝世，胡楓哽咽：“好對唔住太太！”

香港藝人胡楓（修哥）太太呂詠荷日前因病離世，終年84歲。

昨天下午5時40分，胡楓一身黑色西裝，在契女方國珊陪同之下到達世界殯儀館。

修哥接受訪問時表示：「辛苦晒各位，好抱歉，為咗我太太你哋咁辛苦，我太太好有福氣。全屋企人、仔女、新抱、女婿、孫、曾孫全部都好孝順佢。太太臨走時全屋嘅人都見晒，我知道佢都好安慰。到佢臨終時，所有人都喺身邊，佢都應該好開心，太太最後一口氣都係微笑嘅。」語畢，修哥都開始哽咽。

修哥被問到太太的遺願時，一度忍住眼淚，用手遮面，他說：「太太嘅遺願想『低調啲，唔好搞咁多嘢』，不過我都估唔到會通晒天，我覺得好對唔住太太，個心係非常唔安樂。唯一安樂嘅，係佢走嘅時候微笑，雖然大家都唔捨得，不過見到佢微笑，大家都好安慰。」

修哥亦有提及與太太臨終前的說話：“個個人都好乖，你放心咁去啦，如果唔係會好痛。”胡楓再哽咽，並由方國珊攙扶步進靈堂。

另一方面，長子永康昨受訪時說：“媽媽離開的時候，都好安詳，爸爸及仔女都在身邊。”

永康又指，媽媽近一兩年身體有問題，年紀大有一些併發症，心臟有事，有老人病，不過他未有透露媽媽有何遺願。

現場所見，胡太堂前放上子女及修哥的花牌，修哥的心形花牌寫上：“詠荷緣盡今生來世再續”下款寫上單字“修”，靈堂還有投影機播放修哥與太太的生活照。

資料來源：香港《蘋果日報》